مسرحية جميلة

بثينه و نوف و لمياء يتمشون و ياكـلون و يسولـفـون وكل وحده تاكل و ترمي بالأرض ..
أروى والهنوف ومها .. ( متأخرات عن الفـسحه ) يجلسون و ياكلون بسرعه ..

أروى يكون معها دفتر و تحل واجب وهي تحل تقول ( لا.. لا... غلط )

وتقطع كل شوي ورقه وترميها بالأرض ..

يـجـون الشله ( بثينه ونوف ولمياء اللي كانوا يتمشون ) يجلسون مع

( أروى والهنوف ومها ) وتكون بثينه تاكل علك تقول نوف لبثينه ..

نوف : بثينه ترى الحين يدق الجرس و تجيك المراقبه ارمي علكك طلعي العلك..!!


بثينه : يووهـ الزباله بعيده ( و بكل استهتار ترمي العلك بالأرض )
ويقومون الشله كلهم لأنه بيدق الجرس ويتمشون ...

رُبا ( المستخدمه الخالة ) تنظف و يلصق في ثوبها العلك
( طبعاً يكون ملصق من قبل ) وتقول ..

ربا : الله يهديكم يا بنات حتى العلك ترمونه بالأرض هذا وانتم كبار ..!!

تشوف نوره الخالة وهي تشيل العلك و تقولها ..

نوره: خير وش فيك يا خاله عسى ما شر ..

الفراشه : لا يا بنتي ما فيني شي بس الله يهديهن البنات حتى العلك يرمونه بالأرض

و لصق بثوبي وأكلهم مرمي بكل مكان والمدرسه الحمد لله ما قصرت
بكل مكان فيه زباله.. ومع ذلك الله يهديهن يرمنه بالأرض ..!!


نوره : الله يعينك يا خاله تفضلي ( وتعطيها منديل و تساعدها على إزالة العلك )


تروح نوره للطالبات و تنصحهم وتقول :

ليش الله يهديكم هذا التصرف الغير حضاري ( وتأشر على بقايا أكلهم )

مها : الله جتنا الفاهمه تتفلسف علينا حضاري وما حضاري ..!!!!

الهنوف : ( تضحك على كلام مها )وتقول لنوره: ليش وش فيه ؟؟....
حنا سوينا شي غلط ....؟؟

نوره: معجبكم منظر الساحه له..؟؟ا الدرجه الإستهتار وعدم النظافه ..!!
ترمون الأوراق و المناديل بالأرض .. ترا المدرسه بيتكن الثاني ..؟

بثينه : يختي الخالات وش شغلتهم ياخذون راتب على الفاضي ..؟؟؟؟

نوره: بالعكس إذا تعاونتوا وساعدتوا الخاله اللي مثل أمكم بتكسبون الأجر ..

نسيتوا إن إماطة الأذى عن الطريق صدقه ..؟؟

وإذا نظفـنا المدرسه المصلحه ترا لنا.. لأن من أبسط حقوق المدرسه
إننا نتعاون على نظافتها .. و لو كل بنت نظفت المكان اللي تحتها صارت
مدرستنا عنوان للنظافه

شكرا لك على هذه المسرحية